Stofnendur RAPUNZEL NATURKOST AG, Joseph Wilhelm og Jennifer Vermeulen eru brautryðjendur í framleiðslu á vörum framleiddum eingöngu úr lífrænt ræktuðum afurðum.

Í upphafi þurftu þau að sannfæra marga aðila um gildi þess sem þau voru að gera. RAPUNZEL NATURKOST AG, sem hefur aðsetur í Legau/Allgäu í Suður-Þýskalandi, er í dag leiðandi ræktunaraðili, framleiðandi og dreifingaraðili með lífrænt ræktaðar matvörur. Eftir rúmlega 30 ára starf hefur litla 35 fermetra lífræna matvörubúðin þeirra með viðarofnsbakaríi og lífrænni garðyrkjustöð, þróast yfir í fyrirtæki með 250 starfsmönnum.

Eftir fyrstu hefðbundnu heilsusamlegu matvælin sem framleidd voru, múslí og hnetumauk, urðu sífellt fleiri vörur hluti af vöruúrvalinu. Í dag má finna u.þ.b. 400 RAPUNZEL vörur í öllum sambandslöndum Þýskalands, í meira en 2.000 heilsubúðum. Tæplega helmingur af vörunum eru framleiddur eða unnar í Legau, hinn hlutinn hjá samningsbundnum framleiðendum og að mestu leyti úr RAPUNZEL hráefnum og alltaf í samræmi við meginreglur og gæðakröfur RAPUNZEL.

RAPUNZEL fær lífræn hráefni frá rúmlega 30 löndum um allan heim, til að nota í framleiðsluvörur sínar. RAPUNZEL vörur eru fluttar út til næstum jafnmargra landa. Við samningagerð leggur RAPUNZEL mikið upp úr gæðum matvaranna, en auk þess einnig mikla áherslu á lífsgæði bændanna, sem sjá um ræktunina. Þess vegna varð verkefnið HAND IN HAND til, en það sameinar hugmyndina um vottaða lífræna ræktun og heiðarleg viðskipti.

Lesa nánar...