Um Yggdrasil

Yggdrasill var stofnað árið 1986 og var tilgangurinn með stofnun félagsins að selja eingöngu lífrænt ræktaðar matvörur og aðrar vörur af bestu fáanlegu gæðum. Félagið hefur öll árin haldið þessu markmiði sínu. Þeir sem stóðu að stofnun félagsins voru hjónin Rúnar Sigurkarlsson og Hildur Guðmundsdóttir ásamt nokkrum bændum sem voru þá að stunda lífræna ræktun. Þessir aðiðlar höfðu það sameiginlegt að hafa kynnst lífrænni ræktun og lífrænum afurðum í Järna í Svíþjóð, og fannst vanta mikið upp á úrval og gæði á slíkum vörum á Íslandi. Einnig var til staðar lítill hópur fólks sem fannst mjög mikilvægt að svona fyrirtæki gæti orðið til og lagði sitt af mörkum til að hjálpa til.

Starfsemin fór rólega af stað enda ekki svo stór neytendahópur til að byrja með. Lítil geymsla í fjölbýlishúsi dugði fyrstu mánuðina. Í desember 1988 var svo verslunin flutt í miðbæ Reykjavíkur í húsnæði að Kárastíg 1. Þar hefur verslunin starfað í öll þessi ár þar til í mai 2005, en þá fluttum við í nýtt og stórglæsilegt húsnæði á Skólavörðustíg 16. Þann 20.mars stækkaði búðin svo við sig og flutti í munstærra og glæsilegt húsnæði að Rauðarárstíg 10, við Hlemm. Búðin hefur fengið góðar móttökur og vöruúrval hefur stóraukist. Búðin tvöfaldaði stærð sína frá fyrra húsnæði.

Í dag er starfsemin ört vaxandi og vöruúrval er alltaf að aukast. Áhugi á lífrænt ræktuðum vörum hefur aldrei verið meiri en í dag. Ástæður fyrir því eru margar m.a. meiri meðvitund um umhverfismál og heilsu. Einnig gerir fólk kröfur á að vita nákvæmlega innihald vöru sem það neytir, m.a. vegna ofnæmis. Því miður er það staðreynd að ofnæmi og óþol hefur aukist mikið og því er mikilvægt að neytendur hafi aðgang að vörum sem það getur treyst að eru án aukaefna, litarefna og ýmissa annarra óæskilegra hjálparefna.