Yggdrasill - Lífrænt ræktaðar afurðir

Ólívuolía

og þýðing hennar fyrir heilsuna

Á okkar tímun hefur æ meir komið í ljós hversu mikla þýðingu ólívuolían hefur fyrir heilsu mannsins. En um leið tökum við eftir því að heilsufarslegt gildi þessarar hágæða náttúruvöru er háð gæðum ólívuávaxtanna og hvernig olían er unnin. Í þúsundir ára hefur ólívutréð verið álitið ein mikilvægasta olíuuppsprettan. Ólívutrjálundir tileyra menningarlandslagi Miðjaðarhassvæðisins.

Fólkið á Miðjarðarhafssvæðinu lifði að mestu leiti á einhæfu fæði og fékk lítið af próteinum og þau voru þá mest úr jurtaríkinu. Fitan kom svo eingöngu frá ólívuolíu. Við því var að búast að þessi fæða myndi skapa ójafnvægi næringarefna innbyrðis, samanborið við fjölbreyttara mataræði, og með tímanum nætti þá búast við því að heilsufari íbúanna færi hrakandi.

Þetta gerðis hins vegar ekki. Faraldsfræðileg rannsókn á næringu og sögu Miðjarðarhafs-svæðisins sem gerð var af ameríkumanninum A.Keys árin 1954, 1957 og 1975 sýndu að heilsufarslegt ástand var gott í samanburði við önnur lönd. Í tengslum við vísindalegar rannsóknir var sú ályktun gerð að í ólívumenningu Miðjarðarhafsins hefðu menn fundið ágæta og sannreinda uppskrift fyrir næringu, einnig við krappar aðstæður og að menn gáfu sér leyfi til að veita ólívuolíunni stóran hluta af heiðrinum fyrir þetta.

Nánar rannsóknir staðfestu að hægt væri að þakka ólívuolíunni fyrir eftirfarandi áhrif á mannslíkamann.

1. Ólívuolían hindrar hörðnun í æðakerfinu, sérstaklega í hjartanu

2. Ólívuolían tekur þátt í uppbyggingu tauganna

3. Ólívuolían styrkir beinin og varnar gegn beinþynningu

4. Ólívuolían hjálpar til við að koma í veg fyrir sýkingar

5. Ólívuolían er læknalyf fyrir lifur, gall og þarma

Skýringar á einstökum þáttum:

1. Eftir rannsóknir á Krít á 280 manns á aldrinum 63 ára, fundust óvenjulega fáir með sjúkdóma í hjarta og kransæðum. Alls fundust einungis tvö tilfelli hjartaáfalls. Þetta er í mótsögn við aðstæður í Bandaríkjunum og á norðlægum slóðum í Evrópu. Fæðan á Krít innihélt mikið hlutfall af fitu, en stór hluti hennar var ólívuolía. Hin jákvæðu áhrif á æðakerfið má útskýra með því að benda á hvað ólívuolían inniheldur lítið af mettuðum fitusýrum. Sú skoðun að einungis fitur með hátt hlutfall af fjölómettuðum fitusýrum haldi kólesterólinu í lagi og hindri þannig sjúkdóma í æðakerfinu hefur verið hrakin á síðari árum. Það hefur leitt til þess að ólívuolían hefur verið mikils metin. Samsetning hennar er mjög harmónísk. Hún inniheldur líka mikið af fytosterolum sem í ríkum mæli hindra að kólesteról úr matnum komist inn í blóðið. Það sem kemur í ljós í greiningarniðurstöðum með tilliti til fitusýra og annarra efna í ólvívuolíunni, er áhrif frá sólarljósi og sólarvarma. Ólívuolían ber þessi heislusamlegu áhrif inn í líkama mannsins og minnkar líkur á hörðnun.

2. Það eiga sér einnig stað lífleg fituefnaskipti í hjara- og taugakerft. Taugakerfið þarfnast þess að fá fjölbreyttar fitusýrur. Í ólívuolíunni finnum við þessar fjölbreyttu fitusýrur og þess vegna er hún svona mikilvæg fyrir uppbyggingu tauganna.

3. Ýmsar rannsóknir hafa sýnt að ólívuolían örvar upptöku næringarefna inn í beinin og hefur áhrif á beinþéttni. Það var þegar þekkt að hjá fólki á suðlægum slóðum sem notar mikið af ólívuolíu, voru beinbrot af völdum beinþynningar mjög sjaldgæf. Í tilraunum með rottur kom í ljós að rottur sem fengu ólívuolíu samanborið við þær sem fengu venjulegt fóður, mynduðu þær sem fengu ólívuolíu 10% þéttari bein. Einnig var gerð rannsókn á 135 konum frá Montpellier. 45% kvennanna notuðu ólívuolíu reglulega. Flóknar vísindalegar aðferðir voru notaðar og niðurstöðurnar voru þær að ólívuolían viðheldur upptöku steinefna inn í beinin og hefur áhrif á beinþéttni. Jákvæð áhrif á ólívuolíunnar á steinefnaskipti beinanna má meðal annars útskýra út frá vítamín- og steinefnainnihaldi olíunnar. Hálfur til einn líter af ólívuolíu á mánuði er það sem mælt hefur verið með í þessu tilliti. En eins og áður var nefnt í þætti 1. um áhrif gegn hörðnun, er það yfirgnæfandi þáttur sem er mikilvægur: “ljósmagn” olíunnar sem afleiðing sólaráhrifa. Þetta getum við skilið því við vitum að beinkröm (rakitis), sem er orsök lélegrar upptöku líkamans á steinefnum stafar af ljósskorti.

4. Ólívuolían hindrar sýkingar því sjúkdómsspírur þrífast ekki í henni. Hún er gjarnan notuð sem lögur fyrir niðursuðuvörur sem þola illa geymslu eins og t.d. vörur úr sjónum og þá verkar ólívuolían sem rotvörn. Ólívuolían hefur góð áhrif á þarmaflóruna og á húðina. Sem húðolía er hún mikils metin vegna verndandi áhrifa hennar.

5. Ólívuolían örvar gallflæðið og gerir að gallið vreður léttfljótandi og virkara. Með því örvast þarmastarfsemin þannig að ristillinn tæmir sig reglulega. Lifrin fær einnig stuðning við afeitrunarstarf sitt. Til þess að örva gallið er gott að taka inn eina matskeið af ólívuolíu á morgnana með nokkrum dropum af sítrónusafa í.

Skilyrði þess að fá ofangreind áhrif af ólívuolíunni fyrir mannslíkamann, er að gæði olíunnar séu fyrsta flokks. Olía sem unnin er á náttúrulegan hátt án allra hjálparefna og úr ólívum af bestu fáanlegu gæðum hfur milt og þægilegt bragð. Venjuleg olía á markaði hefur oft svolítið biturt bragð sem mörgum líkar illa. Hið góða náttúrulega bragð er hins vegar nauðsynlegt fyrir virkni hennar á líkamann og er lýsandi fyrir það gildi sem hún hefur fyrir heilsuna.

Udo Renzenbrink – þýskur læknir

Ólívuolía inniheldur mikið magn af E-vítamíni sem er mjög gott andoxunarefni. Hún inniheldur 76% af einómettaðri fitusýru, 8% af tvíómettaðri fitusýru og 16% af mettaðri fitusýru.

Yggdrasill býður upp á nokkrar tegundir af ólívuolíu og eru þær allar unnar úr lífrænt ræktuðum ólívum og eru úr fyrstu kaldpressun (extra virgin eða nativ extra). Fyrir þá sem vilja taka inn ólívuolíuna, þá er til ein tegund með sítrónu út í sem gerir hana bragðbtetri. 1-2 msk. á dag hafa tilætluð áhrif. Sítrus-ólívuolían er einnig sérstaklega góð í salatdressing.

Ólívuolíuna má nota í salöt, bakaða rétti og til steikingar á pönnu. Þó er gott að vita að hún er auðvitað best ef við gætum þess að hita hana ekki of mikil. Grænmeti verður sérlega gott eldað á pönnu undur loki, með vatnsblandaðri ólívuolíu. Þá hitnar olían ekki meir en suðumark vatnsins og maturinn verður ekki brasaður.