Sjúklega góð súkkulaði döðlukaka!

Súkkulaði kaka sem má ekki fara fram hjá þér :)  Hún er ekki bara ljúffeng heldur einnig án viðbætts sykurs! 

Uppskrift

200 g 75% súkkulaði frá Naturata

130 g döðlur frá Himneskri Hollustu

180 g kaldpressuð kókosolía frá Himneskri Hollustu

30 g kókoshveiti frá Dr. Goerg

4 hamingjusöm egg

1/2 tsk vanilla

1/2 sjávarsalt 

Hitið ofninn í 190°C. Notið 22 cm smelluform. Brjótið súkkulaðið í sæmilega stóran pott og setjið á millihita. Skerið döðlurnar gróft og setjið ásamt súkkulaðinu og kókosolíunni í pottinn. Velgjið þetta varlega saman í um 2-3 mínútur og gætið vel að hitanum (lágan hita). Maukið þetta allt saman með töfrasprota og eggin með sem og vanillu og sjávarsalt. Setjið í formið og bakið svo í um 18-20 mínútur. Betra að baka minna en meira.

Njótið!